廣東話教日文

日文一對一家教 · 口譯及教材編寫背景

🐊 Wanisan學日文嘅經歷 🐊

由小學開始沉迷打機，因為以前好多日本game都冇中文翻譯，為咗玩到好玩嘅game，就算一開始聽唔明都照玩。打吓打吓玩咗幾年，發現自己開始聽得明大概意思，處於識聽唔識講嘅狀態。高中跟咗個日本人老師上堂，以讀文章為主，一開始都讀到甩甩cut cut。遇到唔識嘅位，老師淨係會講一次中文解釋，之後就叫我繼續讀🤣如是者讀咗2-3年，讀吓讀吓就愈讀愈順。後來機緣巧合之下，做咗日本新聞媒體嘅現場翻譯，再開始埋教日文之旅。對於學日文嘅心得係：要搵到一樣你好鍾意嘅嘢，再用日文去接觸。我最大嘅興趣係打機同睇日本綜藝(當然動漫都有)。打機學日文嘅其中一個好處係互動比其他學習模式多，相對容易吸收。而睇綜藝就會聽到好多日本人真實互動時嘅表達方式（動漫相對嚟講會比較同現實脫節）。但最緊要都係搵到一樣你可以持之以恆接觸嘅嘢。至於考試，可以當係一個里程碑，檢視自己進度，但唔需要睇得太重。我學咗日文咁耐，一直冇考過JLPT，係開始咗教日文先考返張N1旁身~ 宜家睇返轉頭，我都算係用緊沉浸式學習法，雖然一開始會學得好慢，但基礎打得好，學上去就會比較輕鬆啦~

HKD 200 / hr

🔅 試堂價：HKD 100 / hr

歡迎透過以下方式聯絡，查詢時間及課程安排。